جُنينَه..صغيره

[السلام]

من بعيد
شوفت إيدك حاضْنَهْ إيده
شوفت قلبِك كان سعيد
شوفت جوه عيونك الحلوه..عيونه
وابتسامتك
وسط ليل الكون رقيقهْ منوّرة
وكأن كل الدنيا عيد
وارتعاشة دى الشفايف لما بتقولُّه بَحِبَك
كنت سامعها أكيد
شوفت شوقه كان محاوطك
شوفت شوقك كان فريد
شوفت خفة ضلك الْرقة..تِطَيَّب كل أوجاعه
وشوفتك تمسحى عنهُ احتضار قلبهُ الشريد
ومن بعيد..
حسيت بطيفِك راح يغيب
فــَ جريت عليه
ولقيتنى فى نفس المكان.اللى زمان
هو اللى كا بيجمعنا سوا
مالقيتش غيرى
وسط كومة قَشْ..دبلانه أوى
فــَ بكيت أوى..
كانت جنينه صغيره
فيها نسجنا حلمنا
فيها الدفا..لمَّا الوفا كان كل يوم بيضُمِنا
وهناك على الصخرة القديمة..
كَتْ حكاوى عمرنا
وهنا الإيدين اتْجَمَّعِت
بالعهد هنصون حُبنا
وهنا .. وهنا
حرفين وسهم وقلب ..قلنا : قَلْبِنَا
حواليه وعود..
والبصمة....كانت دَّمِنا
وسمعت قلبى يقول : كفاية..خلاص بقا
كفاياك شَقَا
مــَ العُمر عَدَّى وإيه يفيد!!
خليك قوى
دَ الموت قَدرنا كلنا
لازم فـِ يوم يوصل لنا
ويضُمِّنا
ولْحين ما ييجي وَقْتِنا..
لسه الحياه..مليانة باللى
راح يغيبوا عننا
مليانة باللى راح يغيبوا عننا
مليانة باللى راح يغيبوا عننا

[روح الورد]

يعيطك الع ـآفيه قموره
تسلم يدينك
لـآتح ـرمينا من جديدك

[السلام]

ألــ؛ــف شـ؛ــكـرـر لمـ؛ـرـوـركم



تــ ح ـــيــآتــ؛ــي ألـــيك

[هبة الله]

تسسسسسسلمين عالقصيده الحلووووه

يعطيك ربي العافيه

[الشيماء]

روعه يعطيكى العافيه حبيبتى
يسلمووووووووووا

[غلا الروح]

روعه ما طرحت هنا من جميل

سلمت الأنامل الذهبيه

في انتظآر روائعك القآدمهـ

[نورالحياة]

يسلمو يديك فعلا كلمات كتير حلوة

الف شكر الك